ᐱᓕᕆᐊᖑᔭᕆᐊᓖᑦ ᐱᔾᔪᑕᐅᔪᒧᑦ
ᕿᒥᕐᕈᔭᐅᒋᐊᕐᓂᖏᑦ ᐸᓐᓂᖅᑑᑉ ᑲᖏᖅᑐᐊᓗᐊᑕ ᕿᓚᓗᒐᖏᑦ ᖃᑦᓯᐅᓂᖏᑕ ᓱᖅᑯᐃᖅᑕᐅᓪᓚᕆᓐᓂᖓ
ᐊᕕᑦᑐᖅᓯᒪᖃᑎᒌᑦᑐᓂ ᕿᒥᕐᕈᒋᐊᖃᑎᒌᑦ - ᐋᓐᑎᐅᕆᐅ, ᒪᓂᕋᐃᓐᓇᕐᒥᓪᓗ ᓄᓇᖃᖅᑐᓂ, ᐊᒻᒪᓗ ᐅᑭᐅᖅᑕᖅᑐᒦᑦᑐᑦ
ᐅᑐᐱᕆ 26-27, 2022
ᓇᔫᑎᓪᓗᑎᑦ ᐊᒻᒪᓗ ᐃᑭᐊᖅᑭᕕᒃᑰᖅᑐᑦ (ᑲᑎᓯᒪᓪᓗᑎᑦ) ᑲᑎᒪᓂᖅ
ᕗᐊᑦ ᒋᐊᕆ ᑐᔪᕐᒥᕕᒃ, ᒍᐃᓂᐲᒃ, ᒫᓂᑑᕙ
ᐃᒃᓯᕙᐅᑕᖅ: ᓵᓐ ᒪᒃᑲᓈᑦᓯ
ᐃᓗᓕᖏᑦ
ᐸᓐᓂᖅᑑᑉ ᑲᖏᖅᑐᐊᓗᖓᓂ ᕿᓚᓗᒐᐃᑦ ᒫᓐᓇᒃᑯᑦ ᐊᐅᓚᑕᐅᕙᑦᑐᑦ ᐊᔾᔨᖃᙱᑦᑑᓪᓗᑎᑦ ᒪᓕᑦᑐᒋᑦ ᖃᐅᔨᓴᕈᑎᐅᓯᒪᔪᑦ ᑭᖑᕚᕇᓐᓂᖏᑕ ᖃᐅᔨᓴᕈᑎᓄᓪᓗ ᑲᑎᖅᓱᖅᑕᐅᓯᒪᔪᓄᑦ. ᕿᓚᓗᒐᐃᑦ ᑲᑎᙵᐅᖅᑐᑦ ᐸᓐᓂᖅᑑᑉ ᑲᖏᖅᑐᐊᓗᖓᓂ ᓇᔪᖅᐸᑦᑐᑦ ᑲᖏᖅᑐᐊᓗᐊᓂ ᐊᕐᕌᒍᓕᒫᖅ, ᐅᓯᒃᑯᕕᐅᑉ ᑲᖏᖅᑐᖓᓅᖅᐸᑦᑐᑎᑦ ᐊᐅᔭᒃᑯᑦ ᐃᑭᕐᒨᖅᐸᑦᑐᑎᓪᓗ ᓯᑯᖃᙱᓐᓂᖓᓄᑦ ᐅᑭᐅᖑᑎᓪᓗᒍ. ᕿᓚᓗᒐᐃᑦ ᑕᐃᑲᓃᑦᑐᑦ ᐱᑕᖅᑕᐅᕙᑦᑐᑦ ᓂᕿᑦᓴᕆᔭᐅᓪᓗᑎᑦ ᓄᓇᓕᖓᓄᑦ ᐸᓐᓂᖅᑑᑉ, ᐊᐅᓚᑕᐅᖃᓯᐅᑎᓪᓗᑎᓪᓗ ᐃᖃᓗᓕᕆᔨᒃᑯᓐᓄᑦ ᑕᕆᐅᕐᒥᐅᑕᓕᕆᔨᒃᑯᓐᓄᓪᓗ ᑲᓇᑕᒥ (DFO), ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᓐᓄᑦ, ᐸᓐᓂᖅᑑᕐᒥ ᐆᒪᔪᕐᓂᐊᖅᑏᑦ ᑲᑐᔾᔨᖃᑎᒌᒃᑯᖏᓐᓄᑦ, ᐊᒻᒪᓗ ᕿᑭᖅᑖᓗᒻᒥ ᐆᒪᔪᓕᕆᔩᑦ ᑲᑎᒪᔨᖏᓐᓄᑦ.
ᒫᓐᓇᒃᑯᑦ, ᐸᓐᓂᖅᑑᑉ ᑲᖏᖅᑐᐊᓗᐊᓃᑦᑐᑦ ᕿᓚᓗᒐᐃᑦ ᑎᑎᖅᑕᐅᓯᒪᔪᑦ ᐆᒪᔪᑦ ᐅᓗᕆᐊᓇᖅᑐᒦᓐᓂᖏᓐᓂᑦ ᒪᓕᒐᕐᔪᐊᕐᒥ “ᐅᓗᕆᐊᓇᖅᑐᒦᑐᐃᓐᓇᕆᐊᖃᕐᓂᖏᓐᓄᑦ” (2017) ᒫᓐᓇᕋᑖᖑᓚᐅᖅᑐᕐᓗ, ᑲᑎᒪᔨᖏᑦ ᐅᓗᕆᐊᓇᖅᑐᒦᑐᐃᓐᓇᕆᐊᓖᑦ ᐅᒪᔪᓄᑦ ᑲᓇᑕᒥ (COSEWIC) ᐱᖁᔨᕗᖔᓚᐅᖅᑐᖅ ᐸᓐᓂᖅᑑᑉ ᕿᓚᓗᒐᖁᑎᖏᑦ “ᐅᓗᕆᐊᓇᖅᑐᒦᓕᕆᐊᖏᑦ ᓄᖑᑐᐃᓐᓇᕆᐊᖃᕐᓂᕐᒧᑦ” (2020).
ᓄᓇᖃᖅᑐᑦ ᐆᒪᔪᕐᓂᐊᖅᑏᑦ ᐆᒪᔪᕋᓱᐊᕐᓂᕐᒧᓪᓗ ᖃᐅᔨᒪᔨᑕᐃᑦ ᐅᖃᖃᑦᑕᖅᓯᒪᔪᑦ ᐊᑕᐅᓯᐅᙱᑦᑐᓂᑦ ᑲᑎᙵᐅᖅᑐᖃᕆᐊᖓ ᕿᓚᓗᒐᕐᓂᑦ ᐸᓐᓂᖅᑑᑉ ᑲᖏᖅᑐᐊᓗᐊᓂ, ᐊᒻᒪᓗ ᒫᓐᓇᒃᑯᑦ ᐱᒍᓐᓇᖅᑎᑕᐅᓂᕆᕙᑦᑕᖏᑦ ᑐᙵᕕᖃᙱᒻᒪᑕ ᖃᓄᐃᓕᖓᓂᖏᓐᓂᑦ. ᐃᖃᓗᓕᕆᔨᒃᑯᑦ ᑕᕆᐅᕐᒥᐅᑕᓕᕆᔨᒃᑯᓪᓗ ᐊᐅᓚᑦᓯᔨᖏᑦ ᑭᒡᒐᖅᑐᐃᓪᓗᑎᑦ ᐸᓐᓂᖅᑑᑉ ᑲᖏᖅᑐᐊᓗᐊᓃᑐᓂ ᕿᓚᓗᒐᕐᓄᑦ ᐱᓕᕆᖃᑎᒌᑦᑐᑦ ᑐᑦᓯᕋᖅᓯᒪᔪᑦ ᓱᑯᐃᔭᖅᑕᐅᖁᓪᓗᒋᑦ ᖃᐅᔨᓴᖅᑕᐅᓗᑎᑦ ᑭᖑᕚᕇᒻᒪᖔᑕ ᕿᓚᓗᒐᖏᑦ ᐸᓐᓂᖅᑑᑉ ᑲᖏᖅᑐᐊᓗᐊᓃᑦᑐᑦ ᕿᓚᓗᒐᖅᑕᐅᕙᑦᑐᓂ ᐸᓐᓂᖅᑑᕐᒥ, ᓇᓗᓇᐃᖅᑕᐅᖃᑦᑕᕐᓗᑎᓪᓗ ᓇᑭᑦ ᐆᒪᔪᖅᑕᐅᓯᒪᒻᒪᖔᑕ ᕿᓚᓗᒐᓂ ᑲᑎᙵᓂᖃᖅᑐᓂ. ᑕᒪᓐᓇ ᐅᖃᐅᔾᔨᒋᐊᖅᑕᐅᒍᑎᖓ ᐊᑐᖅᑕᐅᓂᐊᖅᑐᖅ ᓯᕗᓂᑦᓴᑎᓐᓂ ᐊᐅᓚᑦᓯᓂᕐᒧᑦ ᑐᑭᑖᕈᑕᐅᓂᐊᖅᑐᓂ ᕿᓚᓗᒐᕐᓂᐊᕐᓂᕐᒧᑦ ᐸᓐᓂᖅᑑᑉ ᑲᖏᖅᑐᐊᓗᐊᓂ.
ᐱᓕᕆᐊᒃᓴᐃᑦ
- ᖃᐅᔨᓴᖅᑕᐅᓗᑎᑦ ᐲᖅᓯᕕᒥᓂᐅᔪᑦ ᕿᓚᓗᒐᕐᓂᑦ ᐸᓐᓂᖅᑑᑉ ᑲᖏᖅᑐᐊᓗᐊᓂ ᖃᓄᕐᓗ ᐊᔾᔨᒌᙱᓐᓂᖃᕐᒪᖔᑕ ᑭᖑᕚᕇᓐᓂᕆᔭᖏᓐᓂᑦ ᑲᖏᖅᓱᕐᔪᐊᒦᑦᑐᓂ.
- ᖃᐅᔨᓴᖅᑕᐅᓗᑎᑦ ᐊᔾᔨᒌᙱᓐᓂᖃᕐᒪᖔᑕ ᑭᖑᕚᕇᓐᓂᖏᑦ ᐱᑕᖅᑕᐅᕙᑦᑐᓂ ᐸᓐᓂᖅᑑᑉ ᑲᖏᖅᑐᐊᓗᐊᓂ.
- ᕿᒥᕐᕈᔭᐅᒋᐊᕐᓗᓂ ᖃᖓᐅᑎᓪᓗᒍ ᐊᕕᑦᑐᖅᓯᒪᓂᖏᓪᓗ ᕿᓚᓗᒐᐃᑦ ᑭᖑᕚᕇᓐᓂᖏᑦ ᐃᓱᒪᒋᔭᐅᒋᐊᕐᓗᑎᑦ ᖃᐅᔨᓴᖅᑕᐅᓂᖏᓐᓂ.
ᓂᕆᐅᒋᔭᐅᔪᑦ ᐅᖃᓕᒫᒐᓕᐊᖑᓂᐊᖅᑐᑦ
- ᐱᓕᕆᐊᖑᓃᑦ
- ᖃᐅᔨᓇᓱᖕᓂᕐᒧᑦ ᐅᖃᐅᔾᔨᓂᐅᔪᓂᒃ ᐅᓂᑉᑳᖅ
- ᖃᐅᔨᓴᕐᓂᕐᒧᑦ ᑎᑎᖅᑲᖁᑎ
ᓂᕆᐅᒋᔭᐅᔪᑦ ᐃᓚᐅᖃᑕᐅᓂᐊᕐᓂᖏᓐᓄᑦ
- ᐃᖃᓗᓕᕆᔨᒃᑯᑦ ᑕᕆᐅᕐᒥᐅᑕᓕᕆᔨᒃᑯᓪᓗ ᑲᓇᑕᒥ (DFO) (ᓱᑯᐃᔭᐃᓂᖅ, ᐆᒪᔪᑦ ᐅᓗᕆᐊᓇᖅᑐᒦᑦᑐᑦ ᐱᓕᕆᐊᑦᓴᖅ, ᐊᒻᒪᓗ ᐃᖃᓗᓕᕆᓂᕐᒧᑦ ᐊᐅᓚᑦᓯᔨᐅᕙᑦᑐᑦ)
- ᓄᓇᕗᑦ ᑐᙵᕕᒃ ᑎᒥᖁᑖ (NTI)
- ᑲᓇᑕᒥ ᑕᕆᐅᕐᒥᐅᑕᓕᕆᓂᕐᒧᑦ ᐊᓂᕐᓂᖃᕐᓇᖅᑐᓕᕆᓂᕐᒧᓪᓗ ᐊᓪᓚᒡᕕᒃ (NOAA)
- ᐃᓕᓐᓂᐊᖅᓯᒪᓂᓖᑦ
- ᐊᓯᖏᑦ ᐃᓚᐅᖃᑕᐅᖁᔭᐅᔪᑦ ᖃᐅᔨᒪᓂᖃᑦᑎᐊᖅᑐᑦ
Notice
Participation to CSAS peer review meetings is by invitation only.
- Date modified: