Cadre de référence
ᕿᒥᕐᕈᓂᖅ ᓂᕈᐊᖅᑕᐅᔪᑦ ᐃᖃᓗᐃᑦ ᖃᐅᔨᓴᖅᑕᐅᓂᐊᖅᑐᓂᒃ ᐋᖅᕿᐅᒪᔪᑦ ᐅᐊᖕᓇᖅᐸᓯᖓᓂᑦ ᐱᖓᖕᓇᖅᐸᓯᖓᓂᑦ ᐊᑦᓛᓐᑎᒃᒥᑦ ᐃᖃᓗᓕᕆᓂᕐᒧᑦ ᐱᓕᕆᖃᑎᒌᑦ ᐃᓂᒋᔭᐅᖃᑕᐅᔪᑦ 0+1 (ᐃᒪᕐᓂᑦ) ᐊᑯᑭᑦᑐᕐᒥᑦ ᕼᐊᓕᐸᑦ ᐃᖃᓗᐃᑦ
ᖃᓂᑦᑐᒥᑦ ᐱᓕᕆᖃᑎᒋᔭᐅᔪᓄᑦ ᕿᒥᕐᕈᔭᐅᔪᑦ - ᐋᓐᑎᐅᕆᔪ ᐊᒻᒪᓗ ᐳᕆᐅᕆ ᐃᓂᖏᓐᓂᑦ
ᐋᒡᔪᓕᕐᕕᒃ 12-15 2022
ᖃᕋᓴᐅᔭᒃᑯᑦ ᑲᑎᒪᓂᖅ
ᐅᐃᓂᐱᒡ, ᒫᓂᑑᐸ
ᐃᒃᓯᕙᐅᑕᖅ: ᒥᐅᕆ ᑎᐊᔅ (Mary Thiess)
ᐃᓗᓕᖏᑦ
ᑲᓇᑕᒥᑦ ᐃᖃᓗᓕᕆᔨᒃᑯᑦ ᖃᐅᔨᓇᓱᒃᑎᖏᑦ ᐊᒻᒪᓗ ᐊᑯᑭᑦᑐᕐᒥᑦ ᓄᓇᒥᑦ ᐱᕝᕕᐅᖃᑦᑕᖅᑐᓕᕆᔨᒃᑯᑦ ᐊᒥᓱᓂᒃ ᐆᒪᔪᓂᒃ ᐊᓗᐊᓂᑦ ᓄᑦᑐᒃᑐᒥᒃ ᖃᐅᔨᓴᐃᓚᐅᖅᑐᑦ ᐅᐊᖕᓇᖅᐸᓯᖓᓂᑦ ᐱᖓᖕᓇᖅᐸᓯᖓᓂᑦ ᐊᑦᓛᓐᑎᒃᒥᑦ ᐃᖃᓗᓕᕆᓂᕐᒧᑦ ᐱᓕᕆᖃᑎᒌᑦ (NAFO) ᐃᓂᒋᔭᐅᖃᑕᐅᔪᑦ 0 ᐊᒻᒪᓗ 1-ᒥᑦ ᐃᑲᔪᖅᖢᑎᒃ ᖃᐅᔨᓴᐃᓂᕆᔭᐅᔪᖅ ᐃᓂᒋᔭᐅᖃᑕᐅᔪᑦ 0+1 (ᐃᒪᕐᓂᑦ) ᐊᑯᑭᑦᑐᕐᒥᑦ ᕼᐊᓕᐸᑦ ᐃᖃᓗᖕᓂᑦ. ᐅᒥᐊᕐᔪᐊᖅ ᐊᒻᒪᓗ ᐱᖁᑎᒋᔭᐅᔪᑦ (RB ᐹᒥᐅᑦ (RV Paamiut), ᐃᐅᓪᕗᕇᑑ (Alfredo) ᐊᓗᐊᓂᑦ ᓄᑦᑐᒃᑐᖅ) ᐊᑐᓚᐅᖅᑕᖓᑦ ᖃᐅᔨᓴᐃᓂᕐᒧᑦ 1999-2017-ᒥᑦ ᓄᖅᖃᖅᑎᑕᐅᓚᐅᖅᑐᖅ 2018-ᒥᑦ ᖃᐅᔨᓴᐃᓂᖃᙱᖦᖢᑎᒃ ᒪᕐᕉᖓᔪᑦ ᐊᓗᐊᓂᑦ ᓄᑦᑐᒃᑐᒥᑦ ᐆᒃᑐᕋᐅᑕᐅᔪᓂᒃ ᐊᑐᖅᑕᐅᓚᐅᐱᓪᓚᒃᑐᖅ ᐃᓇᖐᔪᕐᓘᓐᓃᑦ ᐅᒥᐊᕐᔪᐊᕐᒧᑦ. ᐊᑐᖅᑕᐅᓚᐅᐱᓪᓚᒃᑐᖅ ᐅᒥᐊᕐᔪᐊ ᐊᒻᒪᓗ ᐃᐅᓪᕗᕇᑑ (Alfredo) ᐊᓗᐊᓂᑦ ᓄᑦᑐᒃᑐᖅ ᐊᑐᖅᑕᐅᓚᐅᖅᑐᑦ 2019-ᒥᑦ ᐊᒻᒪᓗ ᓄᑖᖅ ᐊᑯᓂᐅᔪᒥᑦ ᐅᒥᐊᕐᔪᐊᖅ (RV ᑕᕋᔪᖅ (RV Tarajoq)) ᐊᒻᒪᓗ ᓄᑖᑦ ᐱᖁᑏᑦ (ᐸᑲᓚᐅ (Bacalao) ᐊᓗᐊᓂᑦ ᓄᑦᑐᒃᑐᖅ) ᐊᑐᖅᑕᐅᓂᐊᖅᑐᖅ 2022-ᒥᑦ ᐅᖓᑖᓂᓗ. ᖃᐅᔨᓴᐃᔪᖕᓇᕐᓂᕐᒧᑦ ᐱᕕᖃᕐᓂᐅᔪᓂᒃ ᓇᓴᐅᑎᓂᒃ/ᑎᑎᖅᖃᓂᒃ ᐊᑐᖃᑦᑕᖅᑐᑦ ᐃᓱᒪᒋᑉᓗᒋᑦ ᐊᔾᔨᖏᑦ ᐊᑐᖅᑕᐅᔪᑦ ᐊᒻᒪᓗ ᐱᓕᕆᐊᖑᔪᑦ ᐊᑐᖅᑕᐅᖃᑦᑕᕐᒪᑕ ᐅᑭᐅᑦ ᖃᓄᐃᓐᓂᖅᓴᐅᓂᖏᓐᓅᕐᓂᐊᕐᓗᒋᑦ (ᓲᕐᓗ, ᐊᔾᔨᒌᙱᓐᓃᑦ ᐱᖁᑎᓄᑦ ᐅᕝᕙᓘᓐᓃᑦ ᐆᒃᑐᕋᐃᓃᑦ ᖃᐅᔨᒪᔭᐅᑉᓗᑎᒃ ᐅᕝᕙᓘᓐᓃᑦ ᓇᓚᐅᑦᑖᖅᑕᐅᔪᖕᓇᕐᓗᑎᒃ). ᖃᐅᔨᓴᐃᓂᖅ ᐱᕕᖃᕐᓂᐅᔪᓂᒃ ᐊᑕᐅᓯᐅᖓᓕᖅᑎᑕᐅᖃᑦᑕᖅᑐᑦ ᐅᑉᓗᕆᔭᐅᔪᑦ ᐊᓯᐊᙳᕐᓂᖏᓐᓄᑦ ᓈᓴᐅᑎᓂᒃ/ᑎᑎᖅᖃᓂᒃ ᑲᑎᑦᑎᓂᕐᒧᑦ ᐊᑐᖅᑕᐅᔪᓂᒃ ᒪᕐᕈᐃᖓᔪᓂᒃ ᐊᓗᐊᓂᑦ ᓄᑦᑐᒃᖢᑎᒃ ᐆᒃᑐᕋᐃᓂᕐᓂᑦ.
ᐆᒃᑐᕋᐃᓃᑦ ᐱᑕᖃᙱᑎᓪᓗᒋᑦ, ᐃᖃᓗᕆᔨᒃᑯᑦ ᐊᐅᓚᑦᑎᔨᖏᑦ ᑐᒃᓯᕋᓚᐅᖅᑐᑦ ᐃᖃᓗᓕᕆᔨᒃᑯᑦ ᖃᐅᔨᓇᓱᒃᑎᖏᓐᓂᒃ ᕿᒥᕐᕈᖁᑉᓗᒋᑦ ᖃᐅᔨᓴᐃᓂᕐᒧᑦ ᐊᑐᖅᑕᐅᔪᓂᒃ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᓂᕐᓂᒃ ᐃᓂᒋᔭᐅᖃᑕᐅᔪᑦ 0+1 (ᐃᒪᕐᓂᑦ) ᐃᖃᓗᖕᓂᒃ ᖃᐅᔨᓴᐃᓂᕐᒧᑦ ᐃᓚᓕᐅᑎᔪᖕᓇᖅᑐᑦ ᓈᓴᐅᑎᓂᒃ/ᑎᑎᖅᖃᓂᒃ ᑲᑎᑕᐅᓯᒪᔪᓂᒃ ᐊᑕᐅᓯᐅᖏᑦᑐᓄᑦ ᐅᒥᐊᕐᔪᐊᓄᑦ ᐊᒻᒪᓗ ᐱᖁᑎᓄᑦ, ᐃᓚᐅᑉᓗᑎᒃ ᐃᖃᓗᓕᕆᓂᕐᒧᑦ ᖃᐅᔨᓴᐃᓃᑦ ᐊᒻᒪᓗ ᓂᐅᕕᐊᒃᓴᕆᔭᐅᔪᓄᑦ ᐃᖃᓗᖕᓂᑦ ᓈᓴᐅᑎᓂᒃ/ᑎᑎᖅᖃᓂᒃ. ᕿᒥᕐᕈᓂᖅ ᐃᑲᔪᕈᒪᑉᓗᓂ NAFO-ᑯᑦ ᖃᐅᔨᓇᓱᒃᑐᓕᕆᓂᕐᒧᑦ ᑲᑎᒪᔨᖏᑦᑕ ᖃᐅᔨᓴᐃᓂᖏᓐᓂᒃ ᐃᖃᓗᖕᓂᑦ ᐊᒻᒪᓗ ᐃᖃᓗᓕᕆᓂᖃᖅᑐᓂᒃ ᑲᒪᔭᐅᑉᓗᓂ ᐃᒪᕐᒥᒃ ᑲᒪᓂᕐᒧᑦ ᑲᑎᒪᔨᓄᑦ ᓇᓗᓇᐃᒃᑯᑦᑎᖅᑐᐃᓂᖓᓐᓄᑦ.
ᐱᓕᕆᐊᒃᓴᐃᑦ
ᐱᔭᒃᓴᐅᑎᒋᔭᐅᓗᐊᖅᑐᖅ ᑲᓇᑕᒥᑦ ᖃᐅᔨᓇᓱᖕᓂᕐᒧᑦ ᐅᖃᐅᔾᔨᒃᑯᑦ ᐱᕙᓪᓕᐊᓂᖓᑦ ᖃᐅᔨᓂᐊᕐᓗᓂ ᖃᐅᔨᓴᐃᓂᕐᒧᑦ ᐊᑐᖅᑕᐅᖃᑦᑕᖅᑐᓂᒃ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᐊᓂᒃ ᐊᑐᖅᑕᐅᔪᖕᓇᕐᓂᐊᖅᑐᓂᒃ ᐱᐅᓯᒋᐊᖅᓯᓂᕐᒧᑦ ᐃᓂᒋᔭᐅᖃᑕᐅᔪᑦ 0+1 (ᐃᒪᕐᓂᑦ) ᐊᑯᑭᑦᑐᕐᒥᑦ ᕼᐊᓕᐸᑦ ᐃᖃᓗᖕᓂᑦ ᖃᐅᔨᓴᐃᓂᕐᒥᑦ. ᐱᓗᐊᖅᑐᒥᑦ, ᕿᒥᕐᕈᓂᕐᒥᑦ ᐃᓚᐅᓂᐊᖅᑐᑦ:
- 1. ᖃᐅᔨᓗᒋᑦ ᐱᔾᔪᑕᐅᔪᑦ ᐃᑲᔪᐃᓂᕐᒧᑦ ᐊᔾᔨᒌᙱᓐᓂᖏᓐᓂᒃ ᐱᑕᖅᑕᐅᔪᖕᓇᖅᑐᑦ ᐊᑯᑭᑦᑐᖅ ᕼᐊᓕᐸᑦ ᐊᓯᖏᓪᓗ ᐃᖃᓗᐃᑦ ᐊᒻᒪᓗ ᑭᖑᕐᓚᐃᑦ ᐆᒪᔪᑦ; ᐊᒻᒪᓗ,
- 2. ᕿᒥᕐᕈᓗᒋᑦ ᖃᐅᔨᓴᐃᓂᕐᒧᑦ ᐊᑐᖅᑕᐅᔪᑦ ᐊᒻᒪᓗ/ᐅᕝᕙᓘᓐᓃᑦ ᐱᓕᕆᐊᖑᔪᑦ ᐊᔪᙱᑎᑦᑎᔪᖕᓇᖅᑐᑦ ᑲᑎᑎᑦᑎᓂᕐᒧᑦ ᐊᒻᒪᓗ/ᐅᕝᕙᓘᓐᓃᑦ ᖃᓄᐃᓐᓂᖅᓴᐅᓂᖏᓐᓅᖅᑕᐅᓗᑎᒃ ᓈᓴᐅᑏᑦ/ᑎᑎᖅᖃᐃᑦ ᑲᑎᑕᐅᓯᒪᔪᑦ ᐊᔾᔨᒌᙱᑦᑐᓄᑦ ᐅᒥᐊᕐᔪᐊᓄᑦ ᐊᒻᒪᓗ ᐱᖁᑎᓄᑦ ᐋᖅᕿᒃᑕᐅᓯᒪᔪᑦ.
ᓂᕆᐅᒋᔭᐅᔪᑦ ᐅᖃᓕᒫᒐᓕᐊᖑᓂᐊᖅᑐᑦ
- ᖃᐅᔨᓇᓱᖕᓂᕐᒧᑦ ᐅᖃᐅᔾᔨᓂᐅᔪᓂᒃ ᐅᓂᑉᑳᖅ
- ᐱᓕᕆᐊᖑᓃᑦ
- ᖃᐅᔨᓴᐃᓂᕐᒧᑦ ᑎᑎᖅᖃᐅᑏᑦ
ᓂᕆᐅᒋᔭᐅᔪᑦ ᐃᓚᐅᖃᑕᐅᓂᐊᕐᓂᖏᓐᓄᑦ
- ᑲᓇᑕᒥᑦ ᐃᖃᓗᓕᕆᔨᒃᑯᑦ (ᐱᕈᖅᐸᓪᓕᐊᓂᖃᖃᑎᒌᒃᑐᓂᑦ ᐊᒻᒪᓗ ᑕᕆᐅᕐᒥᑦ ᖃᐅᔨᓇᓱᒃᑐᓕᕆᓃᑦ ᐊᒻᒪᓗ ᐃᖃᓗᓕᕆᓂᕐᒧᑦ ᐊᐅᓚᑦᑎᖃᑦᑕᖅᑐᑦ)
- ᐃᓕᓐᓂᐊᕐᕕᒃ
- ᐃᖃᓗᓕᕆᔪᑦ
- ᐊᓯᖏᑦ ᐃᓚᐅᖃᑕᐅᖁᔭᐅᔪᑦ ᖃᐅᔨᒪᓂᖃᑦᑎᐊᖅᑐᑦ
Avis
La participation aux réunions d'évaluation par les pairs du SCCS est sur invitation seulement.
- Date de modification :